SARI treatment for Medical Officers ကျင်းပပြုလုပ်ခြင်း

          ကျန်းမာ‌ရေးနှင့်အားကစားဝန်ကြီးဌာနနှင့် ကမ္ဘာ့ကျန်းမာရေးအဖွဲ့တို့ ပူးပေါင်း၍ Online training on SARI Treatment for Medical Officers in the COVID-19 frontline ကို ၂၀၂၀ ပြည့်နှစ် မေလ (၂၉)ရက်နေ့မှ စတင်၍ တစ်ရက်လျှင် တစ်နာရီခွဲ၊ တစ်ပတ်လျှင် (၂)ရက် နှုန်းဖြင့် သင်တန်းချိန် (၈)ချိန် သင်ကြားခဲ့ပါသည်။

အဆိုပါ သင်တန်းတွင် WHO Regional Office for South-East Asia မှ ကျွမ်းကျင်သူ ဆေးပညာရှင်များက သင်တန်းဆရာများအဖြစ် ဆောင်ရွက်ကြပြီး ဆေးတက္ကသိုလ်(၁)ရန်ကုန်မှ ပါမောက္ခ/ဌာနမှူး(ဆေးပညာ) ပါမောက္ခဒေါက်တာဇော်လင်းအောင်၊ ရန်ကုန်အနောက်ပိုင်း ဆေးရုံကြီးမှ တွဲဖက်ပါမောက္ခ(ဆေးပညာ) ဒေါက်တာဟိန်းရာဇာအောင်၊ မြောက်ဥက္ကလာပ ပြည်သူ့ဆေးရုံကြီးမှ တွဲဖက်ပါမောက္ခ(ဆေးပညာ) ဒေါက်တာအောင်ကျော်သူတို့က Facilitator များ အဖြစ် ဆောင်ရွက်ခဲ့ကြပါသည်။

အဆိုပါသင်တန်းသို့ ခုတင်(၂၀၀)နှင့်အထက် ပြည်သူ့ဆေးရုံကြီး (၁၃)ရုံမှ အထူးကုဆရာဝန် /လက်ထောက်ဆရာဝန်(ဆေးပညာ)၊ လက်ထောက်ဆရာဝန်(ကလေး)နှင့် လက်ထောက်ဆရာဝန် စုစုပေါင်း သင်တန်းသား (၂၀)ဦးတို့ တက်ရောက်ခဲ့ရာ သင်တန်းကာလတစ်လျှောက် ဆောင်ရွက် သော Exercise များတွင် တက်ကြွစွာ ပါဝင်ဆွေးနွေးခြင်းနှင့် သိရှိလိုသည်များ မေးမြန်းခြင်းတို့ကိုပါ ဆောင်ရွက်ခဲ့ကြပြီး ၂၀၂၀ ပြည့်နှစ်၊ ဇွန်လ ၂၄ ရက်နေ့တွင် သင်တန်းအောင်မြင်စွာ ပြီးမြောက် ခဲ့ကြပါသည်။

ပြန်စာထားခဲ့ပါ။

သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်